Fotballgruppa
Jentesatsing
Jenter har vore éi hovudsatsingane i Noregs Fotballforbund sine handlingsplanar sidan 2016, og er vidareført som éin av "matchvinnarane" i strategiplanen til NFF for 2025-2030. Styret i Kvernbit har sidan 2017 vedtatt å følgje dette opp med ei eiga jentesatsing i klubben, og i 2018 lanserte vi #KvernbitJenter. Jentesatsinga dreier seg både om å rekruttere fleire (og unngå fråfall av) kvinnelege spelarar, dommarar og trenarar. Foto: Ida Hartveit.
Jentesatsinga går over tre område:
- Trenarrekruttering
- Spelarrekruttering
- Dommarrekruttering
Fram til 2021 har det meste av arbeidet vore retta mot spelarrekruttering, og å forhindre fråfall i ungdomslaga. Dette bar frukter i 2023, då vi for første gong sidan 1994, stilte a-lag for damer i eigen regi. Og i 2024 følgde vi opp, og stilte også lag i J19-klassen. I 2021 blei det vedtatt ein ny rekrutteringsplan, som presenterte tiltak for å rekruttere fleire kvinnelege fotballtrenarar. Her har fotballgruppa jobba aktivt i 2024. Også på dommarsida er det etablert mål og tiltak for å rekruttere fleire jenter.
Jentesatsing
Trenarrekruttering
Balanse i støtteapparatet kjem både barna og dei mannlege trenarkollegaene til gode. Trenargjerninga er mangfaldig. I tillegg til fotballaktiviteten, er det mykje anna som skjer i og rundt laget. Trenarapparatet treng både personar som kan fylle fotballrolla, i tillegg til personar som kan sjå barna, snakke med dei og løfte det sosiale miljøet. Både menn og kvinner kan bidra i begge desse rollene. I tillegg får ein følgje opp og vere til stade for eigne barn, vere med på å skape aktivitet, glede og meistring for barn og ungdom i lokalsamfunnet. Foto: Ruben Soltvedt.
Ved inngangen på 2025 hadde Kvernbit 23 kvinner som trenar lag i ulike årsklassar. Totalt var det 126 trenarar og hjelpetrenarar i klubben, ei kvinnedel på 18 prosent. Målet er at dette talet skal vekse. I 2024 lukkast vi med rekrutteringsmålet for den nyoppstarta 2018-årgangen – på både gute- og jentesida. Tre av åtte trenarar på gutelaget er kvinner, og fire av åtte på jentelaget. Ein av to hovudtrenarar på både gute- og jentelaget i 2018-årgangen er kvinne. Det er eit stort ønske om å rekruttere fleire kvinnelege trenarar framover.
I 2023 blei det oppretta eit eige trenarforum for kvinnelege trenarar i Kvernbit (KTK).
Jentesatsing
Spelarrekruttering
Kvernbit har sidan 2017 gått frå eitt J13-lag til at vi stilte A-lag i 2023, og to juniorlag i 2024. Laga arbeider målretta for å rekruttere nye spelarar og samstundes å halde på dei som er der i dag. Det har bore frukter! Foto: Anette Livden.
Gjennomførte tiltak i 2024:
- Balljenter og maskotar på a-lagskampar.
- Felles ekstratreningar for dei ivrigaste J14-spelarane i regionen.
- Deltaking på Jenter Elitecup på Hamar (J14) på felleslag for klubbane i Nordhordland. Fem spelarar frå Kvernbit deltok. Dei andre spelarane kom frå NBK, Radøy, Austrheim og Masfjord. Her fekk jentene teste seg mot både nasjonal og internasjonal motstand, og fekk delt bronse i cupen.
- Overordna hospiteringsplan for jentefotballen.
- Utvida samarbeid mellom J14, J16, J19 og A-laget. Måndagar har alle laga hatt trening samtidig på feltet, som gjer det enklare med samarbeid og hospitering.
- Felles kveldsmat etter trening for J14, J16, J19 og A-laget for å styrke samhold og bli betre kjent.
- Samarbeidsavtale med Åsane om spelarutviklingstiltak.
- Framhald trenarforum for kvinner.
- To nye kvinnelege hovudtrenarar, totalt sju nye kvinnelege trenarar.
- Deltaking i BALANSE - eit nettverk for å få fleire kvinner i idretten.
Gjennomførte tiltak i 2023:
- Damer senior-lag i eigen regi for første gang sidan 1994
- Framhald trenarforum for kvinner
- Besøk av fotballpresident og klubbmedlem, Lise Klaveness, på to trenarforum for kvinnelege trenarar.
- Tre nye kvinnelege hovudtrenarar, og ei dobling av kvinnelege trenarar (frå 11 til 21) i løpet av året.
- Kvernbit diskuterte rekruttering av kvinnelege trenarar på NFF Hordalands klubbkonferanse på Voss i februar.
- Kvernbit var invitert til å halde innlegg på ei fagsamling i Sogndal, organisert av Sogndal Fotball og NFF Sogn og Fjordane.
Jenteutvalet består av
- Anette Livden
- Karianne Hiis Bergh
- Hildegunn Dalland
- Torstein Ulriksen
