Sportsplan

Her finn du sportsplanen til fotballgruppa i IL Kvernbit.

Sportsplanen kort fortalt

Fotballgruppa i IL Kvernbit skal:

• Gi eit tilbod til alle som har lyst til å spele fotball
• Gi alle moglegheit til å utvikle seg i eigen klubb
• Fokusere på sosial og fotballmessig utvikling
• Vere ein organisasjon som er prega av trivsel, glede og fellesskap
• Bidra til å skape gode haldningar hos barn og unge, påverke til å ta ansvar overfor seg sjølve og andre i og utanfor fotballmiljøet
• Vere ein leiande klubb innan ”Fair Play”
• Vere ein klubb alle er stolte av å vere ein del av

Sportsplanen gir enkle og tydelege retningslinjer som skal gi felles rammer for barne‐ og ungdomsarbeidet i fotballgruppa til IL Kvernbit. Planen skal vere eit oppslagsverk og styringsverktøy for trenarar, lagleiarar, foreldre/føresette og spelarar i Kvernbit, og er forma etter retningslinjer frå Noregs Fotballforbund og dei verdiane IL Kvernbit står for.

Sportsleg utval (SU) har hovudansvaret for evaluering, revidering og for å følgje opp sportsplanen.

Der denne planen ikkje er tydeleg nok og ein ikkje finn svar, skal ein ta kontakt med SU om råd og tolking. I Kvernbit er det låg terskel for å legge saker fram for SU eller styret i fotballgruppa.

Sportsleg utval består av

• Tore André Fosse, sportsleg leiar
• Karianne Sagstad
• Richard Sherrock
• Mari Askeland
• Kenneth Strand
• Andreas Hopland Larsen, trenarrettleiar (administasjonen).