Finale-lørdag

Sesongen går mot slutten, men Kvernbit er med heilt til det siste. Lørdag speler Kvernbit éin finale og to semifinalar i lokale meisterskap.
Først ut er damelaget NBK/Kvernbit som tar imot Osterøy til semifinale i Ballspark-cupen. Osterøy hamna på plassen bak NBK/Kvernbit i årets 4. divisjon. Kampen spelast på Knarvik kunstgras. Kampstart er kl. 12.30.
Nest ut er G14-laget i finalen i Hordalandscupen. Dei møter Arna-Bjørnar. Kampen spelast i Vestlandshallen. Kampstart er kl. 13.15.
Sist ut er a-lag menn som reiser til det nylagde kunstgraset på Espeland idrettsplass for å møte Fri IL i semifinalen i Ballspark-cupen. Fri IL speler i sjuande divisjon og startar derfor kampen med to straffespark. Espeland kunstgras er oppgradert med nytt kunstgras, som blei høgtideleg opna så seint som sist helg. Kampstart er kl. 14.00.