Kvernbit cup 2021 er avlyst
Forfatter: Atle Haugen
11. juni 2021
Det er med tungt hjarte at IL Kvernbit har bestemt å avlyse årets Kvernbit cup.
Påmeldingsavgift blir fullt ut refundert i løpet av dei nærmaste dagane.
Kvernbit cup samlar normalt 1500 deltakarar og 300 frivillige siste helga i august. Innanfor dagens smittevernsituasjon finn vi det dessverre ikkje mogleg å gjennomføre arrangementet på normalt vis. Alternative arrangement har vore vurdert, men vi ønsker ikkje at turneringa vår skal kome i konflikt med andre turneringar og eit elles hektisk kampprogram utover hausten. Vi ser i staden fram mot at barnefotballen igjen kan bevege seg over kommunegrensar.
Vi ønsker alle lykke til med resten av sesongen 2021!
Kvernbit ønsker å invitere til tjueårsjubileet for turneringa i 2022.