Styret innkaller herved til
årsmøte i IL Kvernbit.

Årsmøtet avholdes Onsdag 25/3-2026 kl. 19:00 i kultursalen i Meland Aktiv, Fosseskarvegen 4.

Saker som et medlem ønsker behandlet på årsmøtet, må sendes
styret senest 11/3 til <a href="mailto:leder@kvernbit.no">leder@kvernbit.no</a>.&nbsp;Det ønskes at vedlagte mal brukes, se vedlagte&nbsp;"forslagsskjema-til-arsmote".

Fullstendig sakliste med
alle saksdokumenter vil bli gjort tilgjengelig for medlemmene senest én uke før
årsmøtet på hjemmesiden <a href="http://www.kvernbit.no">www.kvernbit.no</a>.

For å ha stemmerett og kunne velges til verv må man ha vært
medlem av IL Kvernbit i minst én måned, fylle minst 15 år i 2026, og ha gjort
opp sine økonomiske forpliktelser til IL Kvernbit.
Alle medlemmer har uansett møterett, talerett og forslagsrett.

For mer informasjon om årsmøte samt regler om stemmerett,
valgbarhet, forslagsrett mv., se IL Kvernbit sin lov på <a href="https://www.kvernbit.no/dokument">www.kvernbit.no</a>. Ved spørsmål som gjelder
årsmøtet, send en mail til <a href="mailto:leder@kvernbit.no">leder@kvernbit.no</a>.

Innkalling til årsmøte

Lørdag kvalifiserte Kvernbit sine gutar seg til årets NM U17.

Meisterskapen går av stabelen 10.-12. april i Kristiansand.

I fjor deltok fire Kvernbit-gutar i U16-NM for regionlag.

Ein stolt lagleiar, Benedikte Norheim, fortel til Kvernbit.no:

— Dette&nbsp;var det tredje året på rad i NM-kvalik. I år var alle friske og vi klarte det!

Dermed er Kvernbit (1. plass i regionsmeisterskapen) og Gneist (2. plass) Hordaland sine representantar til NM.

Følg med på kvernbit.no for oppdateringar frå NM.

Les om då Kvernbit deltok i U17-NM i 2023.

Kvalifisert til NM

Vil du vere med og skape gode kampopplevingar på Kvernbit sine heimekampar? Me i Kvernbit er på jakt etter så mange frivillige som mogleg som kan bidra på kampdag – både til dame- og herrekampar.

Kvernbit er ein klubb med sterke røter i lokalsamfunnet, og me er heilt avhengige av frivillige for å skape trygge, trivelege og profesjonelle arrangement. Til kvar kamp treng me 3–4 frivillige, og med ei rulleringsordning fordeler me vaktene slik at ingen treng å stille opp kvar gong.

Som frivillig hjå Kvernbit får du vere med på alt frå praktiske førebuingar til å ta imot publikum. Nokre av oppgåvene du kan få, er:

• Kutte frukt og gjere klar spelarforsyning

• Vere ballhentar (gjerne spelarar frå Kvernbit sine lag)

• Vere maskot (passar fint for barn og unge frå Kvernbit sine lag)

• Mobilt kiosksal – selje kaffi, brus og enkel servering til publikum

• Ønske publikum velkommen og vise dei til rett plass

• Svare på spørsmål og bidra til god stemning

• Hjelpe til med opprigging og rydding før og etter kamp

•&nbsp;Vere speaker eller musikkansvarleg – bidra til god stemning under kampane

Du møter opp 1 time før kampstart, og får enkel opplæring. Du treng ikkje ha erfaring – berre lyst til å bidra!

Alle som har lyst til å bidra, er velkomne! Me har oppgåver som passar for både barn, ungdom og vaksne – og du treng ikkje binde deg til alle kampar.

• Har eit hjarte for Kvernbit og lokalfotballen

• Ønskjer å bidra til gode arrangement

• Har 2–3 timar til overs på kampdag

• Likar å vere ein del av eit inkluderande fellesskap

• Sjansen til å vere tett på både dame- og herrelaga

• Erfaring med arrangement og gjennomføring

• Sosialt fellesskap og gode opplevingar

Send ein e-post til:&nbsp;cup@kvernbit.no.

Skriv kort om deg sjølv og kva du kunne tenkje deg å bidra med.

Du kan gjerne vere med på damekampar, herrekampar – eller begge delar.

Jo fleire som melder seg, jo enklare blir det å lage ein god rulleringsplan – slik at det blir lett å kombinere med kvardagen.

Takk for at du vil bidra – saman skaper me gode opplevingar på Fossemyra!

Bli frivillig i Kvernbit – både på dame- og herrekampar


Eit stort forbilde til inspirasjon for generasjonar av kvinner&nbsp;– i over 50 år.

Forsidebilde: Styreleiar Torfinn Losnedahl, Lisbeth Sjursen og æresmeldem Elna Bjørndal. Foto: Atle Haugen.

Etter 55 års fartstid som medlem og eldsjel i Kvernbit, vart Elna Helene Bjørndal overraska og hylla – midt under den avsluttande tøyeøkta på årets første fellestrening med dametrimmen, tysdag kveld.


Anført av Lisbeth Sjursen, som mistenkeleg nok hadde snike seg ut frå treninga i to minutt, troppa representantar frå leiinga og ulike undergrupper i idrettslaget, opp i treningslokalet i Meland Aktiv. Desse var ute i eit viktig ærend.


Elna undra seg nok på kva som var i emning. Klar over at ho fyller år om berre to dagar, kunne det jo tenkjast at det var det som skulle markerast. Men det var ikkje dét som stod i fokus denne gangen, sjølv om treningsgjengen seinare likevel skulle bryte ut i bursdagssong med bukk og nikk og nei. I kveld skulle ein av dei med lengst samanhengande medlemsskap i klubben, heidrast.


Les Avisa Nordhordland si omtale av tildelinga.

Lisbeth Sjursen, organisator av dametrimmen i dag, tok ordet, og oppsummerte eit langt liv i idretten.


Elna starta opp trening for damer på Sagstad skule tilbake i 1970. Den gong var det ballspel, styrketrening og symjing, som seinare har blitt utvida til aerobic, sirkeltrening, crossfit, step og tabata. 

To gongar i veka, kvar veke, gjennom 55 år, har Elna tatt sin faste plass heilt framme i midten.


Elna har dessutan organisert idrettsmerkeprøver, og sjølv tatt idrettsmerket årleg i 50 år.


Dametrimmen starta opp i 1970. Foto: Faksimile frå Kvernbiten - 70-årsjubileumstidsskriftet frå 2000.

–&nbsp;Kjære Elna. Du er eit stort forbilde for meg, og fleire av oss som trener saman med deg her kvar veke, innleia Lisbeth sin tale til den nye æresmedlemmen.


–&nbsp;Det er derfor heilt på sin plass at du vert utnemnd som æresmedlem i Kvernbit i dag&nbsp;– og det to dager før 80-årsdagen din! heldt ho fram, før ho overrekte blomar og ei aktiv gåve til ei som likar å trene.

Lisbeth Sjursen heldt ei flott tale og overrekte blomar. Foto: Atle Haugen.

Deretter tok styreleiar i IL Kvernbit, Torfinn Losnedahl, ordet. Han las grunngjevinga for tildelinga. 

Der vert det mellom anna trekt fram at Elna har vore ein stor inspirasjon for damer i mange generasjonar, og at hennar innsats har gitt eit viktig bidrag til aktivitet, trivsel og folkehelse i vårt nærmiljø. Les heile grunngjevinga under.


Eit synleg bevis vart overrekt av dagleg leiar, Trond Egil Soltvedt.


På bildet: Trond Egil Soltvedt (dagleg leiar, IL Kvernbit), Atle Haugen (styreleiar, Kvernbit fotball), Stein Ove Haugen (nestleiar, IL Kvernbit), Torfinn Losnedahl (styreleiar, IL Kvernbit),&nbsp;Ingeborg Bragvin Fuglseth (styreleiar, Kvernbit turn),&nbsp;Stina Sherrock (trenar, dametrim) og Elna Helene Bjørndal (nyslått æresmedlem). Foto: Lisbeth Sjursen.

Elna Helene Bjørndal er den trettande æresmedlemmen i IL Kvernbit si historie, og følger mellom anna si gode veninne, <a href="https://kvernbit.spond.club/news-article/D4B6E9B24CFA4769BCBB291E94968546">Jorunn Brakstad, som fekk utmerkinga i 2009</a>, og som var med å starte opp dametrimmen saman med Ingrid Skurtveit og Elna.

Nyslått æresmedlem i IL Kvernbit etter 55 års innsats. Foto: Kasper Valestrand/Avisa Nordhordland.

Til ære for ditt mangeårige og enestående engasjement og bidrag for IL Kvernbit tildeles du Æresmedlemskap.
&nbsp;

Din innsats har vært til stor inspirasjon for generasjoner.
Du har vært et forbilde og en sann ildsjel for IL Kvernbit siden du startet opp med Dametrimmen for over 50 år siden, hvor du fremdeles trener to ganger i uken i Meland Aktiv.
&nbsp;

Du var med å organisere idrettsmerket på Fossemyra, og tok det selv årlig i totalt 50 år.
&nbsp;

Vi i Kvernbit er takknemlig og stolt over den innsatsen du har lagt ned for idrettslaget og lokalmiljøet.

Utallige damer har hatt glede av ditt pådriv for aktivitet og trivsel. Du er et stort forbilde og en viktig bidragsyter for økt aktivitet, trivsel og folkehelse i vårt nærmiljø. 
&nbsp;

Takk for flott innsats i alle år!
&nbsp;
&nbsp;

6. januar 2026
&nbsp;
&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Torfinn Losnedahl, styreleder, IL Kvernbit&nbsp; &nbsp; &nbsp;

Trond Egil Soltvedt, daglig leder, IL Kvernbit

Spreke damer: Elna vart overraska midt under tøyeøkta på avslutninga av kveldens trening. Resten av dametrimmen samla seg rundt heiderskvinna. Foto: Lisbeth Sjursen.

Elna Bjørndal hylla som æresmedlem

Etter nyttår blir det nokre endringar i treningstidene.

Dei nye treningstidene gjeld frå måndag 12. januar.

Ta godt vare på banane, og ver venleg å rydd etter kvar trening. Set mål på plass og samle inn ballar og anna utstyr, og plasser der dette høyrer til. Spesielt viktig er dette no på vinteren.&nbsp;Flytt alle mål ut av banen etter kvar trening, så er det mykje mindre arbeid å brøyte banen når snøen kjem. Tusen takk!

Offisielle kampar blir alltid prioritert føre treningar. Treningskampar må avtalast i eigen treningstid dersom laget disponerer stor nok bane til å gjennomføre kampen. For dei som treng større bane enn dei har tilgjengeleg i treningstida, må treningskampar gjennomførast i helg. Då er det normalt god kapasitet på anlegget.

Det er viktig at alle kampar og bruk av banen avtalast med Trond Egil,&nbsp;på e-post:&nbsp;<a href="mailto:trond.egil@kvernbit.no">trond.egil@kvernbit.no</a>.

Det er fysisk krevjande å flytte på mål som står fast under snøen. Om alle flyttar måla ut av banen etter kvar trening, går brøytinga mykje fortare. Takk for hjelpa! Foto: Trond Egil Soltvedt.

Nye treningstider etter nyttår

Fotballhallen held opent gjennom heile jula, kvar dag mellom kl. 8 og 22. 

Vi bed om at foreldre ser innom og passar på at alt går fint for seg. Hugs å ta med deg sakene dine når du går.

Fotballhallen er OPEN i jula

Tysdag opnar Kvernbit sitt tradisjonelle juletresal. Kjøp årets juletre hos Kvernbit!

Håvard og Mona stod for opninga i 2025. Foto: Atle Haugen.

Vi håpar du vil sikre deg årets juletre frå oss. Inntektene går rett tilbake til barne- og ungdomsidretten i Kvernbit.

Juletrea er kortreiste - frå Hagesæter på Lindås.

I år har vi eit begrensa tal på juletre tilgjengeleg for sal. Ver difor tidleg ute med å sikre deg ditt.

Ønsker du juletre, men veit ikkje korleis du skal få det med deg? Det kan vi ordne! For kr 200 ekstra køyrer vi juletreet heim til deg. Postadresse Frekhaug.

Over 100 frivillige er i sving for å selje deg juletre. Du møter garantert ein du kjenner.

Juletresalet er ope frå tysdag 9. desember til 22. desember - eller så langt lageret rekk!

Trond Egil og gode medhjelparar har brukt dagen på å køyre på juletre og rigge opp salsområdet på Frekhaug senter. Foto: Privat.

Kjøp årets juletre hos Kvernbit

Fotballgruppa inviterer målvaktspirar frå 2014 og eldre
årgangar, til keepertrening med tidlegare verdsmeister, Reidun Seth.

Treningane vil gå i fotballhallen to måndagar før jul.

Tilbodet er ope for 12 år og eldre, men vi inkluderer
2014-årgangen allereie no før jul.

Vi vil halde fram med eit sterkt keepertilbod vidare over nyåret.

Reidun Seth er tidlegare landslagsmålvakt og har ei lang merittliste.
Forutan 71 landskampar er ho verdsmeister frå 1995, europameister frå 1993, og
har dessutan VM-sølv (1993), EM-sølv (1989 og 1991) og OL-bronse (1996), å vise
til. Etter spelarkarrieren har ho mellom anna vore keepertrenar for
aldersbestemte landslag og i Brann fram til 2023, og har lang fartstid frå
Bergen keeperskole. Reidun har UEFA A-lisens og UEFA keepertrenar A-lisens.

Her er landslagskeeperen avfotografert på eit fotballkort frå 1995 - like før VM som enda i gull.

Keepertreningar med verdsmeister

Ungdomsspelarane i fotballgruppa til Kvernbit sel for tida Kvernbit sin julekalender.

Om du får besøk av hyggelege ungdommar, håpar vi at du vil kjøpe ein kalender. Gjer du det, kan du vinne mange flotte premier, levert av lokale verksemder. Totalt 55 premiar å kjempe om.

Inntektene frå julekalendersalet går til å finansiere deltaking på Norway cup og Sør cup neste sommar.

Kalenderen kostar kr 130,- og betaling skjer via Vipps 130002, Kvernbit Fotball.

Frå 9. desember vil Kvernbit også stå for det tradisjonelle juletresalet på Frekhaug torg. Kjøp juletreet lokalt, og støtt barne- og ungdomsfotballen i Kvernbit, for den ekte julekjensla.

Anne Berit og Anne Lise stod for julestemninga i 2020. Foto: Ida Hartveit.

Jul hos Kvernbit 

Ivar Askeland frå IL Kvernbit er oppnemd som assistendommar til årets cupfinale.

NFF har oppnemd dommarteamet til årets cupfinale mellom Lillestrøm og Sarpsborg 08. Sivert Øknes Amland frå Fana IL leier cupfinalen, og får med seg Ivar Askeland frå IL Kvernbit og Aleksander Jæger frå Åssiden IF som assistentdommarar. Kristoffer Hagenes frå Hovding er VAR-dommar.

Ivar starta dommarkarrieren i Kvernbit. Han debuterte i 1. divisjon (adeccoligaen) i 2011, før han i 2017 fekk han sitt første oppdrag i eliteserien. Der har han vore fast inventar sidan 2018. Med meir enn 300 oppdrag på dei to øvste nivåa i norsk fotball, er Ivar blitt ein erfaren toppdommar.&nbsp;

Ærefullt oppdrag: Ivar dømmer cupfinalen

Fotballhallen er eit viktig samlingspunkt for både spelarar, trenarar, foreldre og frivillige gjennom heile veka. Her følgjer viktig informasjon om rydding i fotballhallen!

RYDDIG FOTBALLHALL:&nbsp;Birthe Ann Larsen og Sigrid Aalen Jacobsen triksar i fotballhallen. Foto: Ruben Soltvedt.

Fotballhallen er eit viktig samlingspunkt for både spelarar,
trenarar, foreldre og frivillige gjennom heile veka. Her trenar vi, spelar
kampar, heiar på kvarandre og byggjer lagånd. For at alle skal få ei god
oppleving i hallen, er det viktig at vi saman tek ansvar for å halde hallen
rein og ryddig. 

Kvifor er det viktig å halde hallen ryddig? 

Ein ryddig hall gir eit betre miljø for både aktivitet og
trivsel. Boss på tribunar, i garderobar eller rundt banen skapar ikkje berre
eit dårleg inntrykk – det kan også vere til hinder for aktivitet, og er potensielt
farleg. Når alle gjer sitt for å rydde etter seg, slepp vi å bruke unødvendige
ressursar på ekstra reinhald. Vi ønskjer at alle lag og besøkande skal kjenne
ansvar for å ta med seg eigne ting, kaste boss i bossbøtter og sjå etter at
garderobar og tribunar er reine når ein forlèt hallen. 

Alle bør ta mål av seg å forlate fotballhallen meir ryddig enn før du kom. Saman skapar vi eit trivelegare miljø!

For å sikre at hallen vert grundig rydda kvar veke, innfører
vi no ei fast dugnadsordning: Det laget som har kioskansvar i Meland Aktiv ei veke, har også
ansvar for rydding av hallen søndag mellom kl. 15.00 og 18.00.

Søndagsrutinar – rydding av fotballhall

Fotballhallen vart opna i 2019, og er svært populær og mykje brukt.&nbsp;

Hald fotballhallen rein – eit felles ansvar 

Det har vore ein tøff sesong for Kvernbit i 4. divisjon, men no er det klart for sesongens aller siste kamp – og kanskje tidenes comeback!&nbsp;

Alt skal avgjerast laurdag kl. 16:30, når Kvernbit tek imot Djerv heime. Det er mykje som må klaffe, men éin ting er sikkert: gutane treng all støtta dei kan få!

Dei har kjempa heile sesongen, og no fortener dei at heile bygda stiller opp. Ta med deg vener, familie og naboar – fyll tribuna, lag liv og støtt Kvernbit!&nbsp;

La oss vise kva Kvernbit-familien står for!

Alle til Fossemyra laurdag

Onsdag 1. oktober blir det klubbkveld med Sport 1 i kultursalen i Meland Aktiv fra klokken 17:00-20:00.

Her blir det utstilling av klubbkolleksjonen vår, og dere får mulighet til å prøve klærne på. 

Benytt sjansen til å bestille det dere trenger.

Klubbkveld onsdag

Kvernbit storma gjennom Mathopen – 10–0 på bortebane!

Fredag 19. september blei ein kveld for historiebøkene for Kvernbit. Eit lysproblem på Mathopen truga kampen, men etter ein kort biltur til Lyngbø sin bane var alt klart – dommar, lag og publikum kunne juble for grønt lys, og kampen starta klokka 20:00.

Frå første minutt var Kvernbit heilt tent. Mathopen sine raske spelarar fekk sjeldan sjansen til å puste.

Kvernbit stilte utan fleire sentrale spelarar som Tobias Verlo, Joachim Hopsdal, Kasper Hamn og Sondre Lædre, men det stoppa ikkje laget frå å dominere fullstendig.

Oliver Sudmann scora det fyrste målet etter ei perfekt corner frå Eirik Larsen – høgreiste midtstopparen var ustoppeleg i lufta. Litt før pause viste Andreas Larsen kvifor han er lagets motor: han sende Sjur Markhus Grindheim gjennom med ei utsøkt pasning, og Grindheim sette ballen roleg i mål. Kva spiste Sjuren til frukost denne dagen?

Rett etter pause fekk Sjur Markhus til eit av dei vakraste måla i år: frå langt utanfor sekstenmeteren lempa han ballen elegant i lengste kryss – keeperen kunne berre sjå ballen gå forbi.

Veteranen – eller kanskje «gubben» hos Kvernbit – hadde fullstendig kontroll på 4. divisjons toppscorar gjennom heile kampen.&nbsp;

Då byrja måla verkeleg å pøse inn: innbyttar Noah Samuelsen scora heile fire mål på berre ti minutt, og Tobias Ytreland fekk sin debut etter å ha imponert på trening.

Eirik Larsen og Andreas Sandvik vann alt som var av duellar gjennom heile kampen, og gjorde livet vanskeleg for motstandarane. Ingen veit enno kor mange gjennombruddspasningar vingbackane Mads Takvam og Kristian Henriksen slo til spissane Ruben Sellevold og Sjur Markhus Grindheim denne kvelden. Andreas Larsen hadde også fleire målgivande pasningar og var konstant ein fare for Mathopen-forsvaret.

Keeper Gard Tolleshaug hadde lite å gjere denne kvelden, noko som seier mykje om kor dominerande Kvernbit var – forsvaret og midtbanen gjorde ein fantastisk jobb med å kontrollere heile kampen.

Heile laget spelte som ein eining, frå første til siste minutt, og viste kvifor Kvernbit no er eitt av dei mest form sterke laga i 4. divisjon. Med 10–0 siger på bortebane og 10 poeng på 5 kampar, har laget vist at dei ikkje berre kan score mål – dei kan dominere kamp etter kamp.

Vebjørn Bø Dalstø fekk gult denne kampen for Kvernbit 

No ventar ein tøff bortekamp mot Nest-Sotra 26. september på Ågotnes.

Med kvite drakter, svarte shortsar og ein heimebane full av energi, gjekk Kvernbit ut for å forsvare æra mot Flaktveit. Etter 90 minutt med dramatikk og rå innsats enda det 2–2 – eit resultat som forsterkar inntrykket av eit Kvernbit-lag i flyt, no med tre strake kampar utan tap.

Oliver Sudmann gav dei kvitkledde ein pangstart med 1–0, men gjestane frå Flaktveit slo tilbake med hurtigheit og teknikk, og snudde kampen til 2–1. Likevel nekta Kvernbit å la seg knekke. På tampen av oppgjeret gjekk innbyttar Sjur Markhus fryktlaust i duell og skaffa straffespark. Kaptein og toppscorar Andreas Larsen tok ansvar og sette inn utlikning ved å lure keeperen feil veg.

Og det kunne blitt endå betre: rett før slutt fekk Noah Samuelsen ei enorm moglegheit til å avgjere kampen. Skotet vart derimot blokkert og susa like over mål – marginane stod ikkje på Kvernbit si side denne gongen.

Sjølv om Flaktveit hadde mange raske og gode ballspelarar, gjorde Kvernbit det vanskeleg for dei. Keeper Gard Tolleshaug stod igjen fram som ein av banens store profiler med fleire avgjerande redningar – inkludert ei strafferedning. Midtbanen la ned eit formidabelt stykke arbeid, og Kasper Hamn leverte som vanleg ein prestasjon av høg klasse.

Andreas Sandvik, Oliver Sudmann og Andreas Larsen fekk gult kort for Kvernbit i løpet av kampen.

Ein annan nøkkel var laget si breidde. Fleire innbyttarar kom inn og leverte viktige bidrag, og det seier mykje om kvaliteten i troppen at alle kan gå på bana og bidra når det trengst.

Med tre kampar utan tap veks sjølvtilliten i Kvernbit-leiren. Laget har igjen vist at dei kan stå imot sterke motstandarar – og at dei alltid spelar med hjartet utanpå drakta.

Kvernbit med dramatisk poeng på heimebane

Påmelding opnar&nbsp;måndag 8. september kl. 12:00.

IL Kvernbit vil i år arrangere TINE Fotballskule i haustferien, veke 41, frå måndag 6. oktober til torsdag 9. oktober. Fotballskulen er for gutar og jenter i 2.-7. klasse (f.2013-2018).

Fotballskulen kostar kr. 700. Vi tilbyr 50 % søskenmoderasjon. 

Påmeldinga opnar måndag 8. september kl. 12:00.&nbsp;Påmeldingsfrist er torsdag 2. oktober ved midnatt.

Vi oppmodar alle til&nbsp;å ete frukost før ankomst. Lunsj blir servert. Alle deltakarar får fotball, t-skjorte, drikkeflaske og sekk frå TINE. Sportsleg ansvar har Eirik Hopland Larsen og Oliver Sudmann.

11.30: Lunsj (inkl. Litago sjokolademjølk frå TINE).

Hugs drikkeflaske, leggskinn og klede etter vêret.

IL Kvernbit har oppretta eit fond som skal sikre at medlemmar med anstrengt økonomi får moglegheit til å vere med på aktivitetar i regi av idrettslaget. Medlemmane kan søke om støtte til påmeldingsavgift eller utstyr til bruk på fotballskulen. Du kan sende ein kortfatta søknad til&nbsp;<a href="mailto:trond.egil@kvernbit.no">trond.egil@kvernbit.no</a>. Alle søknadar blir behandla konfidensielt.

TINE Fotballskule i haustferien

Kvernbit synte både karakter og kvalitet då laget tok årets første bortesiger med 2–1 mot Askøy 2. 

Sigeren kom etter ein solid laginnsats, der eit ungt mannskap viste at dei både kan stå imot press og avgjere når sjansane byr seg. Berre tre spelarar i startellevaren var eldre enn 21 år, men det unge Kvernbit-laget leverte ei moden og gjennomført prestasjon.

Kampen starta forsiktig, og første omgang vart ein stillingskrig utan dei store sjansane. Kvernbit forsvarte seg godt og stod solid i struktur, men det vart lite å notere framfor mål. Til pause stod det 0–0.

Etter kvilen fekk kampen meir fart. I det 56. minuttet skapte Andreas Sandvik problem for Askøy-forsvaret og fann Joachim Hopsdal, som sette ballen sikkert i mål til 1–0 for Kvernbit. Gleda vart kortvarig, då Askøy 2 svara med ei utligning kort tid etterpå.

Kampen såg ut til å gå mot poengdeling, men åtte minutt før slutt viste Kvernbit kvalitet i angrep. Kasper Hamn spela ein presis ball i bakrom til Sandvik, som kontant sette inn 2–1 åleine med keeper. Dermed vart Sandvik både målscorar og servitør i oppgjeret – og den store spelaren på bana.

I tillegg til dei elleve som starta, kom også Christoffer Husebø, Mads Takvam, Sjur-Markus Grindheim og Marius Larsen inn og bidrog sterkt i sluttfasen. Friske bein og god innsats sørgde for at Kvernbit heldt stand og drog i land sigeren.

Med denne trepoengaren held Kvernbit fram med å klatre nærare laga over seg på tabellen, samstundes som laget skaffar seg ei luke ned til Askøy 2 som framleis ligg sist. Sigeren gjev både sjølvtillit og optimisme framfor neste oppgjer.

Allereie i neste runde ventar eit sterkt Flaktveit-lag på heimebane. Kampstart er fredag 12. september klokka 19:30 på Fossemyra.

Unge Kvernbit sikra viktig bortesiger mot Askøy 2

I samband med oppstart av ny årgang (2019), blir det nokre endringar i treningstidene.

Dei nye treningstidene gjeld frå måndag 8. september.

Ta godt vare på banane, og ver venleg å rydd etter kvar trening. Set mål på plass og samle inn ballar og anna utstyr, og plasser der dette høyrer til. Pass på at alle får med seg tøy og andre eigedelar. Det skal alltid vere litt ryddigare i fotballhallen når du forlèt den enn då du kom. Tusen takk!

Offisielle kampar blir alltid prioritert føre treningar.

Det er viktig at alle kampar og all bruk av banen avtalast med Trond Egil, på e-post: <a href="mailto:trond.egil@kvernbit.no">trond.egil@kvernbit.no</a>.

Nye treningstider for hausten

Første trening onsdag kl. 17:15 i fotballhallen.

IL Kvernbit ønsker alle som skal begynne i førsteklasse velkommen til fotballtrening hos oss.

Førre veke hadde vi eit informasjonsmøte for foreldre, der klubben gav informasjon om treningsforhold, treningstider og kva tilbodet inneber for førsteklassingane.

Treningstid er onsdagar kl. 17:15. Første trening er onsdag 10. september.

Aktiviteten i Kvernbit er dugnadsbasert. Ønsker du å bidra i støtteapparatet, ta kontakt allereie i dag på&nbsp;<a href="mailto:fotball@kvernbit.no">fotball@kvernbit.no</a>! Vi treng trenarar, lagleiarar og foreldrekontaktar. Vi oppmodar både kvinner og menn,&nbsp;spesielt kvinner, frå Grasdal og Sagstad skulekrinsar til å melde seg som trenar. Kvernbit ønsker å bygge opp&nbsp;<a href="https://www.kvernbit.no/news-article/A980A73401E64D40B906ACC426E1FEEF">eit sterkt miljø for kvinnelege trenarar</a>.

For å bli trenar i Kvernbit treng du ingen forkunnskapar. Du vil få god kursing og rettleiing, og mykje god kvalitetstid.

Som ein del av fotballfamilien blir du i tillegg ein del av eit sterkt fellesskap. Du utvider det sosiale nettverket ditt og får ny kompetanse og kunnskap. Bli med på laget, du òg!

Første fotballtrening for 2019-kullet

Det vart både festfotball og nervepirrande sluttminutt då Kvernbit tok imot Sund til seriekamp onsdag 20. august. Heimelaget vann til slutt 2–1 etter ein kamp som bød på alt frå perlemål til raudt kort og intenst sluttpress.&nbsp;Foto: Inge Instebø.

Kvernbit kom best i gang framfor eigne supportarar, og allereie tidleg i kampen fekk dei betalt for det gode opningsspelet. Joachim Hopsdal stanga inn 1–0 med ein presis heading etter eit godt slått innlegg frå Ruben Sellevold.

Midtvegs i første omgang var det nettopp Sellevold som stod for kveldens høgdepunkt. Med først ein tunnel og deretter eit praktfullt skot sende han ballen i nettet til 2–0 – eit mål som fort kan bli kandidat til årets scoring.

Sund fekk det endå vanskelegare då dei vart reduserte til ti mann etter ein utvisning i det 35. minuttet. Kvernbit skapte fleire sjansar før pause og kunne fort ha leia både 3–0 og 4–0, men laga gjekk til kvilen på stillinga 2–0.

Etter pause kom Sund meir med, og kampen tok ei dramatisk vending då gjestane vart tildelt straffespark. Den vart sikkert sett i mål til 2–1, og sjølv med ein mann mindre la Sund eit massivt press på Kvernbit i store delar av andre omgang.

Kvernbit måtte verkeleg krige for poenga, og bakerst stod keeper Gard Tolleshaug fram som ein matchvinnar med fleire avgjerande involveringar. Til slutt kunne heimelaget sleppe jubelen laus etter ein sterk 2–1-siger.

Med ein strålande førsteomgang og ein heroisk innsats i eiga boks etter pause, tok Kvernbit ein fortent siger og sikra haustens første trepoengar.

Kvernbit sigra 2–1 etter dramatisk kamp mot Sund

Det er berre kort tid igjen før årets&nbsp;Kvernbit&nbsp;cup&nbsp;brakar laus. Les årets&nbsp;<a target="_blank" href="https://online.fliphtml5.com/fzdrv/vcbx/#p=1">programblad</a>&nbsp;med viktig informasjon før ankomst.

Del gjerne informasjonen med foreldre på laget.

Vi set stor pris på om alle lag legg inn namn på spelarar før ankomst.

Velkommen til Kvernbit cup!

Kvernbit sitt A-herrar kasta seg inn i duellane, sprang til krampa nesten tok dei og skapte sjansar nok til å snu kampen – men måtte likevel reise tomhendte heim etter 3–0 mot NBK på&nbsp;Knarvik Stadion.

Foto: Nordhordland Avis av Ole Jacob Riise Strønen.

Frå første spark på ballen var det kriging over heile banen. Første omgang var tett, tøff og full av duellar, der Kvernbit for det meste forsvarte sitt eige mål. Heimelaget fekk hól på byllen etter 20 minutt, då NBK scora på ein corner. Resten av omgangen forsvarte Kvernbit seg heroisk, og laget gjekk til pause vel vitande om at kampen framleis levde.

Optimismen vart teken med inn i garderoben, og spelarane kom ut med trua på poeng. Men berre seks minutt ut i andre omgang – i det 51. minutt – steig ein NBK-spelar opp og dobla leiinga på nok ein corner. Ein blytung start, men på ingen måte slutten.

Kvernbit nekta å gje seg. Dei flytta laget høgare i bana, jaga mål og skapte sjansar som fort kunne ha gitt ny spenning i kampen. Fleire gonger var dei berre små marginar unna å setje inn reduseringa som ville tent håpet.

Mot slutten vart romma bak større i jakta på scoring, og i det 90. minutt nytta NBK dette og kontra inn 3–0. Eit flatterande resultat, sett med Kvernbit-auge, etter ein kamp der innsatsen og lagmoralen fortente betre betalt.

Årsmøtet er avlyst