For å bli trenar i Kvernbit treng du ingen forkunnskapar. Du vil få god kursing og rettleiing, og mykje god kvalitetstid.

Som trenar i Kvernbit får du:

• rettleiing og tett oppfølging frå erfarne trenarrettleiarar
• ta del i eit godt og robust trenarapparat
• tilbod om trenarkurs i takt med utviklinga til spelarane
• eigne trenarforum for kvinner

Som ein del av fotballfamilien blir du i tillegg ein del av eit sterkt fellesskap. Du utvidar det sosiale nettverket ditt og får ny kompetanse og kunnskap. Bli med på laget, du òg!

Kampverten skal:

Før kampen:

• møte opp i god tid og ønske begge lag, dommar(ar) og tilskodarar velkommen.
• delta på fair play-møtet i lag med dommar(ar) og begge lags trenarar.
• sikre at tilskodarar er plassert på motsett side av innbyttarbenkane.
• ha kjennskap til plassering av hjartestartar og ha telefon til å ringe 113.

Under kampen:

• som hovudregel opphalde seg rundt benkane.
• oppsøke dommar(ar) på banen ved avblåsing til pause og følge dommaren til garderoben.
• vere tilgjengeleg for dommar undervegs i kampen og i pausen.
• oppmode til positivitet mellom alle aktørar og handtere eventuelle uønska hendingar.

Etter kampen:

• møte dommar(ar) på banen etter kampslutt og følge dei til garderoben
• takke begge lag og dommar for kampen.
• melde ifrå til fair play-ansvarleg i klubben dersom det oppstod uønska hendingar.

Kvernbit er ein klubb med sterke røter i lokalsamfunnet, og me er heilt avhengige av frivillige for å skape trygge, trivelege og profesjonelle arrangement. Til kvar kamp treng me 3–4 frivillige, og med ei rulleringsordning fordeler me vaktene slik at ingen treng å stille opp kvar gong.

Enkle, men viktige oppgåver

Som frivillig hjå Kvernbit får du vere med på alt frå praktiske førebuingar til å ta imot publikum. Nokre av oppgåvene du kan få, er:

• Kutte frukt og gjere klar spelarforsyning

• Sette ut flagg og klargjere banen

• Vere ballhentar (gjerne spelarar frå Kvernbit sine lag)

• Vere maskot (passar fint for barn og unge frå Kvernbit sine lag)

• Mobilt kiosksal – selje kaffi, brus og enkel servering til publikum

• Ønske publikum velkommen og vise dei til rett plass

• Svare på spørsmål og bidra til god stemning

• Hjelpe til med opprigging og rydding før og etter kamp

• Vere speaker eller musikkansvarleg – bidra til god stemning under kampane

Du møter opp 1 time før kampstart, og får enkel opplæring. Du treng ikkje ha erfaring – berre lyst til å bidra!

Passar for alle

Alle som har lyst til å bidra, er velkomne! Me har oppgåver som passar for både barn, ungdom og vaksne – og du treng ikkje binde deg til alle kampar.

Dette passar for deg som:

• Har eit hjarte for Kvernbit og lokalfotballen

• Ønskjer å bidra til gode arrangement

• Har 2–3 timar til overs på kampdag

• Likar å vere ein del av eit inkluderande fellesskap

Dette får du igjen

Å vere frivillig gir deg:

• Ein plass i Kvernbit-familien

• Sjansen til å vere tett på både dame- og herrelaga

• Erfaring med arrangement og gjennomføring

• Sosialt fellesskap og gode opplevingar

Vil du bli med?

Send ein e-post til: [email protected].

Skriv kort om deg sjølv og kva du kunne tenkje deg å bidra med.

Du kan gjerne vere med på damekampar, herrekampar – eller begge delar.

Jo fleire som melder seg, jo enklare blir det å lage ein god rulleringsplan – slik at det blir lett å kombinere med kvardagen.

Takk for at du vil bidra – saman skaper me gode opplevingar på Fossemyra!